Endaleysa

 

Hvað er líkt með Baugsmálinu og Lost?  Jú hvort tveggja er komið yfir 100 þætti og enginn endir í sjónmáli.  Hver ætli skrifi handritið. Dabbi?  Eða er það leyndarmál.  Leikarar standa sig ágætlega, þetta lítur allt eðlilega út, ætli þeir séu á launum eða geri þetta frítt. Skil ekkert í því afhverju Stöð 2 nýtir sér ekki söguþráðinn til sýninga í stað þess að birta þetta sem framhaldssögu í Fréttablaðinu. Áhorfendum fækkar, plássið í blaðinu minnkar og líklegt að þetta deyi út eins og frétt um stóra snjóskafla í júní sem enginn veit hvenær bráðnuðu.  Hver er saklaus og hver er sekur. Flestir sekir sleppa með skrekkinn í íslenska dómskerfinu nema auðvitað smákrimmarnir sem fylla fangelsin meðan stórlaxarnir sleikja sárin á fínu snekkjunum sínum og bíða eftir að afbrotin drukkni í gullfiskaminni landans. 

Athugasemdir

[Þorsteinn Sverrisson, 22.3.2007 kl. 21:55]

Hæ Gillý,
Já þjóðar-leikhúsið er eiginlega betra en Þjóðleikhúsið - amk. í þessum sakamálastykkjum
Kveðja,
Þorsteinn